शुक्रबार, १९ जेष्ठ, २०८०
शुक्रबार, १९ जेष्ठ, २०८०
सन्तोष गहतराज, बिहीबार, ९ चैत्र, २०७९
पाल्पा-दिदी बहिनी महिला कृषक बहुउद्देश्यीय सहकारी सस्था लिमिटे, खस्यौली वडा महिला समन्वय समितिको संयुक्त आयोजना र पाल्पा लायन्स लाकौल आँखा अस्पतालको सहयोगमा १ दिने आँखा शिबिर सम्पन्न भएको छ । बिहिबार गरिएको निःशुल्क आँखा शिविरमा १ सय ५० जना भन्दा वढीले सेवा लिएका छन् ।
चेकजाँचका क्रममा ३ जनामा मोती बिन्दु र १ जनालाई आखामा मासु पलाएको समस्या देखा परेकोले रिफर गरिएको छ भने एलर्जी,जलविन्दु ,दृष्टिदोष समस्या देखिएको ३३ जना चस्मा तथा आवश्यक औषधी वितरण गरिएको छ । आम नागरिकलाई सहज वातावरणमा आँखाको चेक जाँच गरी आफ्नै घरआँगनमा शिविर सहितको आँखा विशेषज्ञ टोलीमार्फत उपचार गराइएको थियो ।
वडाध्यक्ष नारायण बहादुर कार्कीले वडा कार्यालयले विगतमा दिनमा समेत निःशुल्क आँखा शिविर सञ्चालन गएको बताउदै आउँदा दिनमा समेत शिविर सञ्चालन गर्ने बताउनुभयो । वडा अध्यक्ष कार्कीले शरिरका सवै अङ्गको आफ्नै महत्व भएको र आँखा सवै भन्दा महत्वपूर्ण अङ्ग भएकोले निस्शुल्क आँखा शिविर सञ्चालनले नागरिकहरूलाई थप लाभान्वित हुन सहयोग गर्ने बताउनुभयो । कार्यक्रममा वडा सदस्यहरू नरेन्द्र अमात्य र नरेन्द्र सिन्धौलीले मन्तव्य राख्नुभएको थियो । दिदी बहिनी महिला कृषक बहुउद्देश्यीय सहकारी सस्था लिमिटेडका अध्यक्ष मिना नेपालको अध्यक्षता र सञ्चालन व्यवस्थापक बिनु गौतमको सञ्चालन सम्पन्न भएको थियो ।
