बुधबार, १७ आश्विन, २०८०
बुधबार, १७ आश्विन, २०८०
सन्तोष गहतराज, आईतवार, ९ आश्विन, २०७९
पाल्पा-नाट्टा पाल्पा च्याप्टर, तानसेन टुरिजम एक्शन कमिटि तथा पाल्पा साइकल संघले विविध कार्यक्रमको आयोजना गरि पर्यटन दिवस मनाउने भएको छ ।
असोज ११ गते अर्थात २७ सेप्टेम्बरका दिन Rethinking Tourism नाराका साथ विश्व पर्यटन दिवश मनाउने नाटा पाल्पा च्याप्टरका जिल्ला अध्यक्ष राजिव कुमार शाहले जानकारी दिनुभयो । कोभिडको समय पछि सुस्ताउदै गएको पाल्पाको पर्यटन पुन जिवितिकरण गर्ने र पर्यटकको आगमन वृद्धि गर्ने उधेश्यका साथ कार्यक्रम आयोजना गर्न लागिएको हो । पाल्पा जिल्ला प्राकृति,धार्मिक,ऐतिहासिक कला,सस्कृति रितिरिवाजले भरिपूर्ण जिल्ला हो । विगतको समयमा पाल्पाका पर्यटकिय क्षेत्रहरूको अवलोकन गर्न आन्तरिक एवम बाह्य पर्यटकको घुइँचो लाग्थो तर कोभिडको समय पछि पाल्पामा पर्यटकहरूको आगमनमा कम भएको छ । त्यसैले नाटा पाल्पा च्याप्टरले पर्यटकिय स्थलहरूको प्रचार प्रसार गरि पाल्पाको पर्यटनलाई पुन जिवितिकरण गर्नका लागि सन्देश प्रवाह गर्ने गरि कार्यक्रम आयोजना गर्न लागिएको अध्यक्ष साह बताउनुभयो ।
पर्यटन दिवस अवसर पारि पर्यटकिय सम्भावना बोकेको पर्यटकिय स्थल बतासेडाँडाको प्याराग्लाइडिङ्ग क्षेत्र वरपर सरसफाइ गर्ने,नेपालको राष्ट्रिय पहिचान बोकेको राष्ट्रिय झण्डा प्याराग्लाइडिङ्ग मार्फत तानसेन बजार फरर्फराएर परिक्रमा गरिने र साइकिलिङ्ग र्याली गरिने गरि पर्यटन दिवस मनाइने छ । पाल्पामा कोभिड पछि सुस्ताएको पर्यटन व्यवसायलाई नाटा पाल्पा च्याप्टरले पुनजिवितिकरण गर्ने गरि योजनाका साथ अगाडि बढ्ने नाटा पाल्पा च्याप्टरका अध्यक्ष साहले बताउनुभयो ।
कार्यक्रमको उद्घाटन लुम्बिनी प्रदेशका उर्जा,जलस्रोत तथा सिचाइ मन्त्री माननीय मन्त्री विर बहादुर रानाको प्रमुख आतिथ्यता र नाट्टा पाल्पा च्याप्टर, तानसेन टुरिजम एक्शन कमिटि (TACT) तथा पाल्पा साइकल संघको सहकार्यमा पर्यटन दिवस भव्यताका साथ मनाउने पाल्पा साइकल संघले जनाएको छ ।
