बुधबार, १७ आश्विन, २०८०
बुधबार, १७ आश्विन, २०८०
सन्तोष गहतराज, मंगलवार, १६ जेष्ठ, २०८०
पाल्पा, पाल्पाको तानसेनमा जारी कर्णेल उजीरसिंह पाल्पा गोल्डकप फुटबल प्रतियोगिता अन्तर्गत मंगलबारको खेलमा २८ बिघा पूर्व नवलपरासी बिजयी भएको छ । उसले रुपन्देही–११ लाई ट्राइब्रेकरमा ४–३ गोलले पराजित गर्दै बिजयी भएको हो ।
निर्धारित समयमा दुबै पक्षबाट १–१ गोलको बराबरी र थप समयमा गोल हुन नसकेपछि खेल ट्राइब्रेकरमा पुगेको थियो। ट्राइब्रेकरमा २८ बिघाका लागि अजित लामा, शिव बोटे, बीरेन्द्र सारु र सुन्दास चौधरीले जाली चुमे । रुपन्देही ११ का सुजित चौधरी, मिसान दर्लामी र मनोज श्रेष्ठले जाली चुमे पनि निसान न्यौपानेको गोल चुकेसंगै २८ बिघा बिजयी भएको हो ।
पहिलो हाफको खेल सक्किदासम्म दुबै टिमबाट गोल हुन सकेन । दोस्रो हाफको १३ औ मिनेटमा २८ बिघा नवलपरासीका प्रकाश पुनले गोल गरेर खेललाई अग्रता दिलाएका थिए । उनको गोल रुपन्देहीका बलराम न्यौपानेले ३७ औं मिनेटमा फर्काएर बराबरीमा ल्याएका हुन् । मंगलबारको खेलमा म्यान अफ दि म्याच २८ बिघा नवलपरासीका गोलरक्षक बीरेन्द्र सारु भएसंगै नगद ३ हजार पाए ।
