बुधबार, २० मंसिर, २०८०
बुधबार, २० मंसिर, २०८०
सन्तोष गहतराज, आईतवार, ९ आश्विन, २०७९
पाल्पा- जिल्लाको रैनादेबी छहरा गाउँपालिकाले आम नागरिकहरूमा सहज रूपमा आयुर्वेदिक सेवाको पहुँच पुर्याउने उधेश्यले वडा नं ३ भुवनपोखरीमा नागरिक आरोग्य सेवा क्लिनिक (गाउँघर क्लिनिक)को सुरुवात गरेको छ। आयुवेर्दिक विधिबाट नागरिकहरूलाई स्वास्थ्य सम्बन्धि सेवा प्रदान गर्नका लागि गाउँपालिकाले गाँउघर क्लिनिक शुरूवात गरेको हो । आरोग्य सेवा क्लिनिकको एक औपचारिक कार्यक्रमका बिच गाउँ सरकारका प्रमुख रुक्माङ्गत भट्टराईले उद्घाटन गर्नुभएको हो ।
कार्यक्रमका प्रमुख अतिथि समेत रहनु भएका गाउँपालिका अध्यक्ष रुक्माङ्गत भट्टराईले गाउँपालिकाको नीति तथा कार्यक्रममै गाउँपालिका बासीहरूको स्वास्थ्य सेवालाई प्राथमिकतामा राखिएको र सोही अनुरुप ३ नं वडामा क्लिनिकको सुरुवात गरिएको बताउनुभयो । गाउँपालिकाले स्वास्थ्य क्षेत्रको संवेदनशीलतालाई मध्ये नजर गरि नीति तथा कार्यक्रम निर्माण गरेको बताउदै आगामी दिनमा पालिकाले पालिकाका अन्य वडाहरूमा आरोग्य सेवा क्लिनिकको स्थापनालाई निरन्तरता दिने बताउनुभयो ।
कार्यक्रमका विशिष्ट अतिथि रैनादेबी छहरा गाउँपालिकाका प्रमुख प्रशासकीय अधिकृत दिनेश सारुले गाउँपालिकाले भुवनपोखरीमा नागरिक आरोग्य सेवा क्लिनिक शुरूवात गरिएकोले आगामी दिनमा सेवा लिन नागरिकहरू बाहिर जानू नपर्ने बताउनुभयो । स्वास्थ्य नै सबै भन्दा ठुलो धन रहेकोले नागरिकहरूको स्वास्थ्य उपचारमा ध्यान दिन स्वास्थ्यकर्मीहरूलाई आर्गह गर्नु भएको छ ।
कार्यक्रममा छहरा आयुर्वेद औषधालयका प्रमुख पङ्कज रायमाझीले हरेक महिनाको ७ र २२ गते यस क्लिनिकबाट सेवा तथा नि;शुल्क औषधि पनि प्रदान गरिने बताउनुभयो । कार्यक्रम वडा न ३ का वडाध्यक्ष प्रदीप पौडेलको अध्यक्षतामा सम्पन्न भएको थियो ।
