बुधबार, १७ आश्विन, २०८०
बुधबार, १७ आश्विन, २०८०
भैरब खबर डटकम संवाददाता, बुधबार, १७ जेष्ठ, २०८०
पाल्पा- जिल्लाकाे रैनादेबी छहरा गाउँपालिकाले उपाध्यक्षसँग युवा कार्यक्रम अन्तर्गत शिक्षक सेवा आयोग तयारी कक्षा सम्पन्न गरेको छ । तालिममा ४० जनाकाे सहभागी रहेका गाउँपालिकाले जनाएको छ ।
तालिमको शुभारम्भ गर्दै गाउँपालिका अध्यक्ष रुकमागत भट्टराईले पालिका भित्रका विद्यालय शिक्षालाई भरपर्दाे गुणस्तरीय बनाउन स्थानीय व्यक्तिको बढी जिम्मेवारी र दायित्व हुने भएकाले समय सान्दर्भिक पारेर पालिकाले स्थानीय व्यक्तिलाई नै केन्द्रित गरेर तालिम सञ्चालन गरेको बताए । यो तालिम स्थायी रोजगार युक्त तालिम भएको, ध्यान दिएर सिक्न, अभ्यास गर्न सहभागी युवाहरुलाई पालिका अध्यक्ष भट्टराईले आग्रह गरे । पालिकाले विकास निर्माणसँगै गाउँ क्षेत्र रोजगारी प्रदान गर्नका लागि विभिन्न किसिमका सिपयुक्त तालिम सञ्चालन गर्दै आएको पालिका अध्यक्ष भट्टराईले बताए ।
पालिका उपाध्यक्ष युवराज थापाले गाउँका शिक्षिक युवाहरुलाई लक्षित गरेर युवा केन्द्रित कार्यक्रम अन्तरगत शिक्षक सेवा आयोगको तयारी कक्षा सञ्चालन गरिएको बताए । पालिकाले यस क्षेत्रका विद्यालयमा स्थानीय शिक्षक भएमा अध्ययन अध्यापन राम्रो हुने, बढी सम विद्यालयमा विताउने, काममा सक्रिय भएर लाग्ने अवस्था रहने उपाध्यक्ष थापाले बताए । आगामी दिनमा शिक्षक सेवा आयोग, लोक सेवा आयोग जस्ता विषयबस्तुमा तालिम सञ्चालन गरिने उपाध्यक्ष थापाले बताए ।
कार्यक्रममा लेखा अधिकृत लिलामणी बस्यालले तानसेन बुटवल तथा काठमाडौ जस्ता शहरमा बसेर यस्ता किसिमका तालिम लिदा लाखौ रुपैयाँ खर्च हुन्थ्यो तर पालिकाले निशुल्क रुपमा तालिम सञ्चालन गरेको बताए । तालिममा पुरुष भन्दा महिलाहरुको सहभागिता बढी देखिएको छ ।
