मंगलवार, १४ चैत्र, २०७९
मंगलवार, १४ चैत्र, २०७९
भैरब खबर डटकम संवाददाता, बुधबार, ३० कार्तिक, २०७९
पाल्पा -नेकपा एमाले पाल्पा क्षेत्र नं २ का प्रतिनिधिसभा सदस्यका उम्मेदवार ठाकुर गैरेले काम नगरी झुटा प्रचार प्रसार गर्ने व्यक्ति बाट सचेत बन्न मतदाता संग अनुरोध गर्नुभएको छ ।
मंगलवार बगनासकाली गाउँपालिका वडा नं. ५ दर्लमडाँडा र वडा नं. ६ यम्घाका बिभिन्न टोलहरुमा घरदैलो गर्दै एमाले उम्मेदवार गैरेले निर्वाचन जितेपछी काठमाडौमा बस्ने, चुनाव आएपछी गाउँमा आउने र सबै कुरा मैले मात्र गरेको हो भनी झुटो प्रचार गी जनता लाई झुक्काउने उम्मेदवार बाट सचेत हुन मतदाता संग अनुरोध गनुभयो ।
पाल्पाली जनताले चार चार पटक पटक सांसदमा जिताए पनि, जनताको चाहाना, आवश्यकता अनुसार काम नगरेकोले अहिले जनताले गाउँ गाउँमा एमालेको उम्मेदवा लाई सूर्यमा मतदान गर्न आतुर देखिएको गैरेले बताउनु भयो ।
उम्मेदवार गैरेले आफुले ३२ बर्ष सम्म पाटीको राजनिति मात्र गरेको र पहिलो पटक संसदीय निर्वाचनमा जनताको माग अनुसार उम्मेदवार भएकोले सेवागर्ने मौकादिन बगनासकालीबासी संग अनुरोध गर्नुभयो । उम्मेदवार गैरेले बगनासकालीगाउँपालिकाभित्रका सबै वडा र टोलहरुका समस्याहरुलाई टिपोट गरेको र आगामी ५ वर्षभित्रक्रमशःजनताकाआवश्यकताहरुलाई पूरा गर्दै जाने बताउनुभयो ।
यहाँको शिक्षा, स्वास्थ्य, कृषि, पशुपालनको क्षेत्रमाअझ धेरै कामगर्न बाँकी रहेको र ग्रामीण क्षेत्रलाई उत्पादनमुलकबनाउँदै बढ्दो बसाइसराई न्युनीकरणको लागिआफूले ठोस पहलगर्ने उम्मेदवार गैरेले बताउनुभयो ।
यस्तै नेकपा एमाले पाल्पा क्षेत्र नं २ ( १ )का प्रदेशसभा सदस्य उम्मेदवार परशुराम भट्टराईले आफू निर्वाचित भएपछि जनताको मर्म र भावना अनुसार काम गर्ने बताउनुभएको छ । बगनासकाली गाउँपालिका वडा नं. ५ दर्लमडाँडा र वडा नं. ६ यम्घाका मतदाताहरुसँगको भेटघाट तथा घरदैलोको क्रममा उम्मेदवार भट्टराईले आफ्नो जीवनको उर्जाशिल समय नै सामाजिक राजनीतिक क्षेत्रमा बिताएको उल्लेख गर्दै आफु सेवक बनेर काम गर्ने बताउनुभयो ।
निर्वाचित भए पछि आफ्नो निर्वाचन क्षेत्र सहित समग्र पाल्पाको गरिमालाई अझै उचों बनाउने गरी काम गर्ने उहाँले प्रतिबद्धता जनाउनुभयो । यहाँको खानेपानी समस्यालाई दीगो रुपमा समाधानगर्ने र उपभोक्ताको धारामा दैनिक खानेपानी उपलब्ध हुने र पानी लिनकै लागिखोला खोला पधेरामा जाने समस्याको समाधानमा आफ्नो पहिलो प्राथमिकता रहने एमाले उम्मेदवार भट्टराईले बताउनु भयो । यस्तैगरी नेकपा एमाले पाल्पा क्षेत्र नंं. २ प्रदेश २ का नेकपा एमालेका उम्मेदवार ओमबहादुर घर्तीमगरले रैनादेवी छहरा गाँउपालिकाको जुठापौवा र बल्ढेंङगढी क्षेत्रको विकासमा आफ्नो पहल रहने बताउनुभएको छ ।
उम्मेदवार घर्तिले जुठापौवा र बल्ढेंङगढी क्षेत्रको सडक पूर्वाधार कमजोर हुदाँ जनताले धेरै सास्ती खेप्नुपरेको बताउदै आफु यो विषयमा चिन्तित भएको बताउनुभयो । उम्मेदवार घर्तिले आफु निर्वाचन भपछि पहिलो प्राथमिकता सडकको स्तरउन्नति रहने बताउनुभयो । उम्मेदवार घर्तिले कृषि, पशुपालन र युवा स्रोजगारका क्षेत्रका आवश्यक परियोजना सञ्चालन गर्ने बताउनुभयो । उम्मेदवार घर्तीमगरले बिजुली बत्ति र सञ्चार क्षेत्रको विकासका लागि जनतासंगै रहेर पहल गर्ने बताउनुभयो । यस क्षेत्रको विकासका लागि आफ्नो अनुभव र योजना विशेषखालको रहेकोले कार्यान्वयनका लागि सूर्य चिन्हमा मतदान गरी नेकपा एमालेलाई विजयी गराइ काम गर्ने अवसर दिन मतदाता संग आग्रह गर्नुभयो ।
